Achegándonos ao LHC
As orixes do CERN remóntanse a 1949, cando o físico francés Louis de Broglie propuxo establecer un novo laboratorio europeo para deter o éxodo de físicos desde Europa a EEUU. Un ano despois, na conferencia da UNESCO en Florencia, o físico estadounidense Isidor Rabi proporía unha resolución que invitase a UNESCO "a asistir e a animar cara a formación e a organización de centros e de laboratorios rexionais para aumentar e facer máis fructífera a colaboración internacional de científicos".
O sitio principal está en Meyrin (6 km de Xenebra) pero sobre a fronteira franco-suiza e hai un segundo sitio en Prevessin (Francia).
A maior parte dos 27 km do Large Hadron Collider está en Francia: a sala de control está en Prevessin e todos os detectores agás ATLAS, están tamén en (ou mellor dito, baixo) solo francés.
|
Eses 12 estados membros foron Bélxica, Dinamarca, Francia, Alemaña, Grecia, Italia, Holanda, Noruega, Suecia, Suiza, o Reino Unido e Xugoslavia. Dende entón Xugoslavia desapareceu e Austria, España (España realmente deixou o CERN en 1969 ingresando de novo en1983), Portugal, Finlandia, Polonia, Hungría, Eslovaquia, a República Checa e Bulgaria foron ingresando ao longo dos anos. En xaneiro de 2014 Israel converteuse no estado membro número vinteún, e en xuño de 2015 Romania pasou a ser o membro vintedous. O 6 de decembro de 2016, despois de completar os procedementos oficiais, Slovenia únese a Chipre e Serbia como Estado Membro Asociado, e o 8 de xaneiro de 2018 Lituania convértese tamén en Estado Membro Asociado do CERN. Desde 2014, CERN recibe contribucións de estados cunha poboación de arredor de 517 millóns de habitantes. A media total desa contrubución por persoa no ano 2014 foi de 2,2 francos suízos por habitante/ano. India, Xapón, a Federación Rusa, Turquía e EEUU teñen o estatus de observador, así como a UE e a UNESCO. Estímase que a metade dos 13000 físicos de partículas do mundo están involucrados en experimentos do CERN. Arredor de 4500 son dos 20 estados membros, e outros proceden de Rusia (744), EEUU (586) e Xapón (103).
|
 |
(Imaxe tomada da Wikipedia)
(Imaxe tomada da Wikipedia)
Na 173rd Closed Session do 4 de novembro de 2014, o CERN Council seleccionou á física italiana Fabiola Gianotti como Directora Xeral do CERN. O mandato da Dra Gianotti vai do 1 de Xaneiro de 2016 ata o fin de 2020.
(*) Toda a Bibliografía que foi consultada para esta Sección está indicada na Sección de Referencias
|
AUTORES Xabier Cid Vidal, Doutor en Física de Partículas (experimental) pola USC. Research Fellow in experimental Particle Physics no CERN, desde xaneiro de 2013 a decembro de 2015. Actualmente está no Depto de Física de Partículas da USC ("Ramon y Cajal", Spanish Postdoctoral Senior Grants). Ramon Cid Manzano, profesor de Física e Química no IES de SAR de Santiago de Compostela, e Profesor Asociado no Departamento de Didáctica das Ciencias Experimentais da USC. É licenciado en Física e en Química, e é Doutor pola Universidade de Santiago (USC). |
CERN CERN and the Environment |
LHC Detector MoEDAL |
NOTA IMPORTANTE
Toda a Bibliografía que foi consultada para esta Sección está indicada na Sección de Referencias
© Xabier Cid Vidal & Ramon Cid - rcid@lhc-closer.es | SANTIAGO | Modelo baseado no deseno da web do CERN
